ابني بيغسل صحون صافي هاني
بصيت لكريم:
“قولي.. إيه الفلوس دي؟”
كريم بدأ يعيط:
“أنا ما كنتش بكذب عليكي عشان أضحك عليكي.”
قلتله:
“أمال كنت بتعمل إيه؟”
نزل راسه وقال:
“كنت بساعد حد.”
قلت:
“مين؟”
سكت.
زعقت فيه لأول مرة:
“مين يا كريم؟”
عم رجب هو اللي رد:
“أنا.”
بصيتله باستغراب:
“إنت؟”
قال:
“أنا أبو صاحبه كريم.”
اتجمدت مكاني.
“أبو صاحبه؟”
قال:
“أيوه. ابني اسمه يوسف، وهو في المستشفى من شهور. كان عنده مشكلة كبيرة في القلب واحتاج عملية.”
اتحركت عيني ناحية كريم.
فهمت ليه كل مرة كان بيرجع هدومه متبهدلة، وليه كان بيخبي فلوسه.
لكن اللي ما فهمتوش هو: إزاي طفل عنده 13 سنة دخل نفسه في حاجة زي دي؟
عم رجب كمل:
“أنا كنت شغال في المطعم هنا باليومية، وباخد فلوس على قد أكلي وشربي. ومصاريف علاج ابني كانت فوق طاقتي.”
كريم عرف بالصدفة.
وفي يوم سأله ليه يوسف مش بيروح المدرسة.
حاولت أتهرب منه، بس الولد فضل يسأل.
ولما عرف إننا مش قادرين نوفر تمن العلاج، قرر يساعد.
صرخت فيه:
“يساعد إزاي؟”
عم رجب بص لكريم وقال:
“كان بيديني جزء من مرتبه.”
في الأول كنت برفض، بس هو كان بيحلفلي إنه فلوسه ومش محتاجها.
بصيت لكريم:
“قد إيه؟”
كريم مسح دموعه وقال:
“كل المرتب.”
اتخنقت.
“كل المرتب؟”
قال:
“أيوه. العجلة كانت حجة بس. كنت كل ما ماما تسألني أقولها قربت أجيبها. كنت خايف لو عرفتي تمنعيني.”
قلتله وأنا بحاول أتماسك:
“وإنت ليه ما طلبتش مني أساعد الولد؟”
رد بسرعة:
“عشان إنتِ أصلًا بتتعبي طول اليوم. وأنا عارف إن بابا مات وساب علينا ديون. أنا مش عايز أبقى حمل زيادة عليكي.”
الجملة دي كسرتني.
حضنته وأنا بعيط وقلتله:
“يا حبيبي إنت ابني، مش لازم تشيل الدنيا فوق كتافك.”
لكن قبل ما أكمل كلامي، صاحب المطعم قرب وقال:
“بس في حاجة تانية لازم تعرفيها.”
بصيتله:
“إيه؟”
قال:
“كريم ما كانش بيدي كل فلوسه لعم رجب وخلاص. كان بيحوش جزء من فلوسه عندي عشان يشتري حاجة ليوسف من غير ما أبوه يعرف.”
بصيت للترابيزة.
الفلوس كانت متقسمة في أكتر من ظرف، وفي كل ظرف اسم:
“علاج.. مواصلات.. أكل..”
ومبلغ صغير مكتوب عليه:
“يوسف.”
لكن فجأة عم رجب مد إيده للشنطة السودا وقال:
“وفي حاجة لازم تشوفيها بنفسك.”
فتح الشنطة وطلع ورق تقارير ومستندات.
