قفشته حكايات روماني مكرم ٣
صوت المحامي مكنش طبيعي.. كان فيه نبرة قلق وتردد غريبة، وقال:
“يا مدام هنا.. أنا كلمت محامي كريم عشان نحدد ميعاد استلام العفش والحاجة زي ما المحكمة أقرّت.. بس محامي كريم قالي حاجة غريبة جداً خلتني أوقف كل حاجة.. كريم من جوه الحبس بعت ناس لشقتكم القديمة اللي في شبرا، والشقة اتفتحت.. وقالي إن كريم سابلك هناك أمانة، وبيقولك لو ما تنازلتيش عن قضية الابتزاز وعن حقوقك.. الأمانة دي هتخرج للعلن، وهتخليكي إنتي اللي تتمني السجن لنفسك!”
نفسي اتقطع تاني، وجسمي كله تلج.. أمانة إيه اللي كريم سايبها في الشقة؟! وإيه اللي ممكن يكون مخبيه عليا ويهددني بيه ويقلب الترابيزة في ثانية؟!
حكايات رومانى مكرم تابعو صفحه رومانى مكرم تابعو
الكلام نزل عليا زي الصاعقة.. التليفون كان هيقع من إيدي، وأنا مش سامعة غير صوت ضربات قلبي اللي بقت سريعة وبتخبط في صدري زي المطرقة. أمانة إيه، وتهديد إيه اللي يخليني أتمنى السجن لنفسي؟! كريم خلاص اتقفل عليه باب السجن، منين جاب القوة والجرأة دي وهو ورا القضبان؟!
رديت على المحامي وصوتي طالع مرعوش وضايع:
“أمانة إيه يا أستاذ مدحت؟ كريم مملكش عليا حاجة.. أنا عشت معاه 9 سنين عمري ما عملت حاجة غلط، ولا عمري عيبت في حقه.. هيهددني بإيه؟!”
الأستاذ مدحت تنهد بقلق وقال:
“والله يا بنتي أنا بقولك اللي محاميه قالهولي بالظبط.. هو بيقول إن الشقة القديمة فيها المفتاح.. يا مدام هنا، كريم مش سهل، وده مجرم ومادام قال كده يبقى مرتب لملعوب جديد عايز يلوي بيه دراعنا عشان يتنازل الحاج فضل وتتنازلي إنتي عن القضايا.. فكري كويس، هل فيه حاجة كنتي مخبياها؟ ورق؟ صور؟ أي حاجة تخصك وتخص أهلك؟”
“مفيش.. مفيش والله العظيم” قفلت السكة مع المحامي وأنا حاسة إن الأوضة بتضيق عليا. قمت وقفت في وسط الصالة وأنا بفرك في إيديا بذهول.. أهلي كانوا بره في السوق، والشقة كانت فاضية.. الخوف بدأ يتسلل لعروقي ويشل تفكيري.
دقايق مرت وأنا واقفة مكاني، لحد ما فجأة افتكرت جملة المحامي: *”كريم بعت ناس لشقتكم القديمة، والشقة اتفتحت.. وسابلك هناك أمانة”*.
الشقة القديمة! الشقة اللي شهدت خيانته، واللي أنا لميت منها حاجتي وسبتها مقفولة ومفتاحها معايا.. إزاي اتفتحت؟ ومين اللي دخلها؟
