قفشته حكايات روماني مكرم ٣
*”كده تمام يا أحمد.. الشحنة المضروبة دي هتدخل المخازن باسمك وإنت اللي هتمضي على الاستلام.. ولو حصل أي حاجة، إنت اللي هتشيل الليلة.. والـ 50 ألف جنيه دول حلاوتك!”* وأحمد كان باين عليه الطمع والخوف وهو بيمد إيده وياخد الفلوس ويمضي!
الشحنة دي.. أنا افتكرت! دي كانت قضية تهريب وفساد كبرى حصلت في الشركة القديمة اللي كريم كان شغال فيها زمان، والشركة دي اتقفلت وأصحابها اتسجنوا.. وأحمد أخويا كان شغال معاهم “تحت التدريب” وقتها لمدة شهرين..
الفيديو ده يثبت إن أخويا كان شريك رسمي ومسؤول عن دخول بضاعة مغشوشة ومهربة تسببت في قفل الشركة وتدمير حياة ناس.. والجريمة دي ملهاش تقادم لأنها قضية جنائية كبرى تمس الأمن العام!
كريم مكنش بيخبي الفيديو ده عشان يحمي أحمد.. كريم كان شايل الفيديو ده “كارت إرهاب” ليوم زي ده.. هو اللي ورط أحمد زمان وهو اللي صوره من غير ما يعرف عشان يذل عيلتنا كلها لو فكرت في يوم أقف في وشه!
وفي وسط الصدمة وأنا باصة للشاشة والدموع غسلت وشي.. تليفوني رن في إيدي..
رقم محامي كريم!
رديت بسرعة وصوتي كله بكا: “إنتوا عايزين إيه؟! الفيديو ده لفقته إزاي؟!”
جالي صوت محامي كريم البارد والشرير وهو بيقول بنبرة انتصار:
“إحنا مبنلفقش يا مدام هنا.. الباشمهندس كريم بعتلي قفل الشقة والمفتاح عشان أحطلك الأمانة دي.. الفيديو ده النسخة الأصلية منه مع المحكمة والنيابة مستعدة تتقدم بكرة الصبح كبلاغ جديد بإعادة فتح قضية الفساد.. أخوكي أحمد هيلبس بدلة السجن الحمرا ويدخل ورا كريم.. والـ 9 سنين اللي عشتيهم في ستر هينتهوا بفضيحة لعيلتك كلها في شبرا والمحافظة كلها..
قدامك لحد بكرة الصبح يا هنا.. تروحي للنياية إنتي والحاج فضل، وتتنازلوا عن كل القضايا والسرقة والابتزاز، وتكتبي إقرار إنك أخدتي كل حقوقك وقايمتك وتطلعي كريم زي الشعرة من العجين.. وإلا.. بكرة أحمد أخوكي هينام في الحجز جمب كريم!”
الخط قطع.. والشقة فضلت تتردد فيها ضحكة الراجل اللي في الفيديو.. وأنا وقفت في وسط الصالة، بين ناريين.. نار كرامتي وحقي اللي أخدته بعد ذل، ونار أخويا الوحيد ومستقبله وعيلتي اللي ممكن تتدمر في ثانية..
حكايات رومانى مكرم تابعو صفحه رومانى مكرم
