بوصي بقى يا عروسة روماني مكرم ٢

فدوى صرخت بأعلى صوتها: “حسسسسسن! النار يا حسن!”حسن صحي مذعور، لقى النار بتاكل الخشب وبتقرب من باب الأوضة بسرعة رهيبة، والدخان الأبيض المالي الأوضة بدأ يخنق أم حسن المشلولة اللي بدأت تصرخ بصوت مكتوم وهي مش قادرة تتحرك من مكانها!حسن جرى مسك ملاية بليلة مية وغطى بيها أمه، وبص لفدوى اللي كان الدخان بيخنقها: “اطلعي على السور يا فدوى! انطِي على سطح البيت اللي جنبنا!

اطلعي أسرعي!”فدوى رفضت وتحجرت مكانها، ومسكت في دراع حسن بقوة: “مش هطلع وأسيبك أنت وأمك! يا نعيش سوا يا نم. ت سوا يا حسن!”النار كسر باب الأوضة الخارجية، والسقف الخشب بدأ يقع منه جمر مولع! حسن شال أمه على ضهره، ومسك إيد فدوى بقوة، وجريوا ناحية الشباك الخلفي للسطوح اللي بيطل على بيت عم سالم.. لكن الخشب تحت رجليهم اتكسر فجأة، وحسن وقع، ورجله اتعثرت بين عروق الخشب المولعة!فدوى صرخت، ورمت نفسها عليه تحاول تشده والنار بتقرب من أجسادهم بشكل يرعب!