بوصي بقى يا عروسة روماني مكرم ٢
أنتِ فاكرة إني هقبل آخد دهب واحدة اتجوزتها شفقة عشان أسدد ديوني؟ أنا نمو. ت ولا آخد قرش من ست!”فدوى رفعت راسها وبصت له بكل قوة، ونبرتها اتغيرت بقت حادة ومؤثرة: “هو ده اللي فارق معاك؟! كبريائك يا حسن بيه؟! فارق معاك كلام الناس ولا فارق معاك إنك تتسجن وأمك تمو. ت من الجوع والخوف هنا لوحدها؟! ده مش عطف، ولا أنا بديك حسنة.
ده استثمار في الراجل اللي اخترته! أنا اديتك دهبي عشان تثبت للبلد كلها إنك راجل ما بتنكسرش. خدهم.. بيعهم، سدد لسعيد الزناتي ورجع راسك مرفوعة، واللي بيننا دين، لما ربنا يفتحها عليك ويرجع حسن بيه بتاع زمان، ابقى ردلي دهب أمي!”حسن فضلت الصرة في إيده، قلبه كان بيض. رب زي الطبول. الكلام نزل عليه زي السوط اللي فوقه من غيبوبة القهر. بصلها بعمق لأول مرة، مش كبنت غفير غلبانة، ولكن كست بمليون راجل، ست وقفت في ظهره وقت ما الكل هرب، حتى أقرب الناس ليه.
تاني يوم الصبح، الشمس كانت لسه بتشرق. حسن نزل السوق، باع الدهب عند أكبر صايغ في المركز، وحط الفلوس على القرشين اللي جمعهم من عرق جبينه، وراح لسعيد الزناتي قبل ميعاد العصر. دخل عليه القهوة اللي قاعد فيها وسط تجار البلد، وحط الفلوس المترتبة على الطاولة قدام الناس كلها: “حسابك يا سعيد.. المية ألف جنيه كاش، وهات الكمبيالة دلوقتي وأنا واقف!”سعيد الزناتي اتفاجئ، ووشه أصفر من الذهول. ما كانش متوقع إن حسن يقدر يتصرف في المبلغ ده في ليلة واحدة.
التجار اللي قاعدين بدأوا يتهامسوا ويمدحوا في رجولة حسن وأنه ابن أصول وما بياكلش حق حد. سعيد طلع الكمبيالة وهو بيبرطم، وحسن قطعها قدام الكل، وبصلهم وقال بصوت سمع القهوة كلها: “الديون فاضل عليها تكريكة بسيطة، واليوم اللي هتشوفوني فيه واقف على رجلي تاني قَرّيب أوي!”خرج حسن من القهوة مرفوع الراس، بس كان فيه حاجة جديدة جواه تتغير. إحساسه ناحية فدوى اتقلب تمامًا. ما بقتش في نظره مجرد خادمة لأمه، بقت سر قوته وركنه المنيع. رجع السطوح، فتح الباب بشويش.
لقى فدوى قاعدة على الأرض جنب أم حسن، بتدلك رجليها بـ المية والملح، وأمه بتضحك بصوت واطي ومكسور، وبتحاول تنطق كلمة: “فـ… فد… فدوى”.حسن وقف عند الباب، ودمعة دافية نزلت من عينيه من غير ما يحس. قرب منهم، وقعد على ركبه قصاد فدوى في الأرض. مسك إيدها اللي كانت متوسخة من المية الصابون، وحطها بين إيديه الاثنين، وبص في عينيها بنظرة مليانة شوك وامتنان وعاطفة عميقة ما حسهاش في حياته كلها.
