حلاق ابني

بس متلزقة بدبل فيس جوه الكشاف.. ومتوجهة ناحية الشارع.. يعني بتصور مين داخل ومين خارج من بيتي الظابط مسكها بمنديل وحطها في كيس بلاستيك صغير قالي انتي متخانقة مع حد؟ طليقك.. جيران.. حد في المدرسة؟ قلتله لا.

. انا ارملة.. وجوزي ميت بقاله تلت سنين.. وعايشة انا وابني بس.. وعمري ما اتخانقت مع حد قالي طب ابنك قال الراجل بتاع المدرسة.. تعرفي حد بالوصف ده؟ قلتله لا ندهوا ابني.. قعدوه على كرسي الانتريه.. وكان معاهم واحدة ست ظابطة عشان تهديه..

جابتله عصير وقالتله براحة حبيبي ممكن تحكيلي عن الراجل اللي قالك انه يعرف بابا؟ ابني قال وهو بيعيط هو جه قدام المدرسة من كام يوم.. وقالي انت شبه باباك اوي.. وقالي انا كنت صاحب باباك في الشغل.. وباباك كان راجل طيب..

وقالي تعالى اوريك صورة ليك انت وباباك وانا مصوركم من زمان الظابطة قالتله وبعدين؟ قال اداني بونبوني.. وقالي متقولش لماما عشان هعملك مفاجأة وهجيبلك عجلة.. وبعدين وهو بيديني البونبوني.. حط ايده ورا ودني كده كأنه بيطبطب عليا انا صرخت يعني الراجل لزق له الجهاز وهو بيعمل نفسه بيطبطب عليه الظابط قال الجهاز ده جهاز تتبع.

. فيه مايك صغير.. بيسجل وبيحدد المكان.. غالي مش رخيص.. مش اي حد يجيبه ساعتها فهمت.. الموضوع مش هزار عيال.. ده حد قاصدني انا وابني الظباط فتشوا البيت كله.. قلبوا كل حاجة.. دولاب ابني.. شنطته.. الجزم.. اللعب.. ولقوا ايه؟ لقوا في شنطة المدرسة بتاعة ابني.. من جوه.

. في الجيب الصغير اللي محدش بيفتحه.. جهاز تالت.. نفس الشكل.. بس ده كان محطوط جوه كورة ورق صغيرة ملزوقة يعني الراجل حاططله جهاز في الشنطة كمان كنت هقع من طولي الظابط قال اللي بيعمل كده عايز يعرف خط سير الولد بالظبط.

. بيروح فين.. بيجي منين.. بيدخل بيت مين.. وبيسمع كل كلمة بتتقال حواليه قلتله ليه؟ عايز مننا ايه؟ احنا ناس على قدنا.. معندناش فلوس ولا ورث الظابط قال ممكن يكون فاكر ان عندكم حاجة.. او عايز يخطف الولد ويطلب فدية.

. او.. مكملش.. بس انا فهمت بعدها طلبوا يراجعوا كاميرات المدرسة وروحنا انا وابني معاهم في عربية البوليس.. وابني كان نايم على كتفي من كتر العياط والتعب لما وصلنا المدرسة.. المدير اتخض لما شاف البوليس.. وفتحلهم اوضة الكاميرات وقعدنا نتفرج على تسجيلات اليوم اللي ابني قال عليه وفعلا.