عزومة حماتي روماني مكرم ١
سارة وقفت وقالت بزعيق: “كدابة! إنتي بتتبلي عليا في بيتنا وقدام أهلي؟”
أحمد ضرب بإيده على السفرة ضgroupة خلت الأطباق تتهز، وقال بصوت جهوري هز الصالة: “بس! مش عايز أسمع صوت حد.”
بص لأخته وعينيه كلها شرار وقال: “سارة، أنا جيت المطبخ وسمعتك بودني وأنتي بتقوليلها احترمي نفسك إنتي ضيفة هنا.. وسمعتك قبلها وأنتي بتقولي كنا بنهزر لما سألتكم في إيه. يعني إنتي اللي بدأتي، وإنتي اللي بتكذبي دلوقتي قدامنا كلنا!”
سارة ووشها جاب ألوان: “يا أحمد دي واقفة في مطبخنا وتـ…”
قاطعها أحمد بحدة: “المطبخ ده مطبخ أمي، والبيت ده بيتي زي ما هو بيتك، ومراتي المستقبلية تدخل وتتحرك في أي مكان براحتها، دي مش ضيفة غريبة، دي هتبقى صاحبة البيت ده زيها زينا.”
حماتي كانت قاعدة بتبص لسارة بنظرة عتاب وغلظة شديدة، وبعدين بصت لأمي وأبويا وقالت: “حقكم عليا يا جماعة.. سارة غلطت، وأنا مش هسمح بقلة الأدب دي في بيتي. البنت دخلت تشرب مياه، وإحنا اللي مقصرين إننا محطيناش المياه قدامها.” وبصت لسارة وقالتلها: “قومي من على السفرة يا سارة، اطلعي على أوضتك ومش عايزة أشوف وشك لحد ما الضيوف يمشوا، وحسابك معايا بعدين.”
سارة بصت للكل بغل، وسابت السفرة ودخلت أوضتها ورزعت الباب وراها.
أحمد قام من مكانه وجه وقف جنبي، وطبطب على كتفي وقال لبابا: “عمي.. أنا أسف جداً نيابة عن أختي، وحقك وحق بنتك وفوق راسي. أنا شاري ومستحيل أسمح لحد يقلل من قيمتها.”
أبويا هدي شوية وابتسم لأحمد وقال: “أنا عارف رجولتك يا أحمد، وعارف إن بنتي متغلطش.. وموقف حماتها وأحمد كبرهم في نظري.”
الجمعة كملت، ورغم إن الجو كان فيه شوية قلق في الأول، إلا إن موقف أحمد وحماتي طيب خاطري وخاطر أهلي جداً، وحسيت إن لسه في القصة دي فصول تانية مع سارة.. بس طول ما أحمد معايا، مابقاش يهمني.
حكايات رومانى مكرم تابعو صفحه رومانى مكرم
بعد ما العزومة خلصت ورجعنا البيت، كنت حاسة براحة نفسية كبيرة بسبب موقف أحمد ومامته، لكن جوايا كان فيه إحساس قوي إن سارة مش هتقعد ساكتة، وإن اللي حصل ده مجرد بداية.
مر كام يوم، وأحمد كان بيكلمني كل يوم يطمن عليا ويؤكد لي إن مامته هزأت سارة جامد ومنعتها تتدخل في أي حاجة تخصنا. وفي يوم، أحمد كلمني وقال لي: “يا حبيبتي، أنا نزلت اشتريت غسالة وتلاجة للشقة اللي هنتجوز فيها، وعايزك تيجي معايا بكره إنتي ووالدتك عشان تشوفيهم وتختاري معايا باقي الأجهزة، وأمي هتيجي معانا بالمرة.”
