جوزي حول لاخته فلوس رشا خالد
قعدت على الكنبة وفتحت الموبايل. لقيت أكتر من 40 مكالمة فايتة ورسايل ماليانة شتائم ودعاء عليا بالخراب من الحاجة أمينة وفريدة. وفي وسطهم، رسالة من طارق بعتها من حوالي ساعة
ياسمين.. أنا حالتي تدهورت والدكاترة قالوا لو م دخلتش العمليات قبل بكره الصبح المرارة هتنفجر. أمي وأختي حاولوا يجمعوا
الفلوس ومعرفوش يلموا غير 3 آلاف جنيه.. فريدة بتقول إنها حطت فلوس التشطيب كلها في حساب المقاول وم ينفعش تسحبها دلوقتي. ياسمين بوس إيدك ارحميني وتعالي ادفعي الفلوس.. أنا بموت فعلاً، والطلاق ده كان ساعة غضب.
ضحكت من كل قلبي. فريدة اللي لسه واخدة 900 ألف جنيه، مش عارفة تطلع منهم 12 ألف جنيه تنقذ بيهم حياة أخوها اللي شحن رصيدها بشقا عمرنا؟ والمقاول خد الفلوس كلها في يومين؟ كدب عيني عينك.. والملعوب باخ خلاص.
رديت عليه برسالة واحدة
ألف سلامة عليك يا طارق.. كلم فريدة تخلي المقاول يرجع لها 12 ألف جنيه من بتوع الجبس بورد والمطابخ، أصل اللحم والدم أولى من الطوب والحيطان.. ولا إيه؟
قفلت الموبايل ونمت لأول مرة من سنين وأنا مرتاحة وبالي صافي.
تاني يوم
الصبح، صحيت على صوت رزع عنيف على باب الشقة.
فتحت الباب ولقيت الحاجة أمينة واقفة ووشها أصفر وضارب دم، ووراها فريدة بتعيط وعلامات الرعب باينة عليها.
أول ما الحاجة أمينة شافتني، نزلت على إيدي تبوسها وهي بتبكي
بوس قدمك يا ياسمين.. الحقيني.. طارق جوه العناية المركزة دلوقتي والدكاترة رافضين يلمسوه من غير وصل الدفع، والواد حالته بتضيع.. أبوس رجلك ادفعي الفلوس وإحنا هنكتب لك وتعهدات بكل مليم!
رجعت خطوة لورا وسحبت إيدي منها ببرود
جرى إيه يا حاجة أمينة؟ فين كلام امبارح؟ مش أنا الغريبة الفقرية اللي م لكيش أمان؟ وفين فلوس طارق اللي هي حق لأهله؟ روحوا ادفعوا له من حقكم.
فريدة صرخت وهي بتعيط
ياسمين أنا أسفة! أنا غلطانة.. بس طارق هيموت بسببي.. أنا الفلوس مش مع المقاول ولا حاجة، الفلوس في حسابي بس أنا… أنا خفت أسحبها خطيبي يسيبني لو عرف إن الشقة مش هتكمل!
بصيت لفريدة باحتقار مقرف
يعني حيات أخوكي اللي سرق مراته عشانك، أرخص عندك من نظرة خطيبك ليكي؟
التفت للحاجة أمينة وقلت لها بلهجة حاسمة قاطعة
