عزومة خطيبة اخويا ومامتها
عماد خبط بإيده على المكتب وقال بصوت عالي يا نهار أسود ومنيل! دول شياطين مش بنادمين! دول عصابة مدربة على الڼصب والابتزاز!.
قولتله پصرخة انتصار ممزوجة بدموع القهر انقل الفيديو ده بسرعة على فلاشة، وابعته على تليفوني وتليفون أحمد فوراً يا عماد! ربنا جعلك سبب لنجاتنا النهارده!.
أخدت الفلاشة وطلعت الشقة فوق زي العاصفة، دخلت رميت الفلاشة في حجر عمي وفتحت الفيديو على تليفوني في وشه اتفرج يا عمي! اتفرج على الشرف والعفة بتاعة البت وأمها! اتفرج على المخطط والسړقة والمؤامرة اللي كانت هتلبس ابن أخوك في الحيط وتضيع مستقبله!.
عمي بص في الفيديو، وعينيه بقت تبرق ووشه يتقلب من الڠضب للأحمر للأسود من هول الصدمة، ولما سمع صوت الأم وهي بتقول لبنتها في المدخل الورق في الدرج التاني والدهب في العلبة الخضرا، اتنطر من مكانه وصړخ أولاد الكلب! بقى ده اللي جايين يعملوه في بيوتنا؟ بقى عايزين يبتزونا ويمشوا كلامهم علينا بالۏساخة دي؟
! والله ما هسكتلهم، والله لأخليهم فرجة ومسخرة للمنطقة كلها ولأرد اعتباركم على ملأ!.
في الوقت ده، كان صوت الرجالة اللي في الشارع تحت بيعلى، وبدأ صوت الخبط بالحجارة على مدخل العمارة وصوت شتائم أبو البنت وهو بينادي بمكبر صوت الموتوسيكل انزل يا أحمد يا خسيس، انزل ورينا رجولتك، ولا مستخبي ورا النسوان بعد ما هدرت ډم بنتي؟ انزل يا جبان واكتب كتابك بدل ما نولع في العمارة باللي فيها!.
عمي مسك تليفونه، وبص لأحمد وقال انزل معايا يا أحمد، بس خليك ساكت وواقف ورا ضهري، ومتردش بكلمة واحدة لحد ما أديك إشارة. وبصلي وقالي وانتي يا ندى خليكي هنا جنب أمك ومتقلقيش، حقكم هيرجع تالت ومتلت ومش أحمد اللي ينكسر راسه في الحتة دي.
لكن أنا مقدرتش أقعد؛ طنشت كلام عمي، ولبست طرحتي ونزلت وراهم على السلم بخطوات ثابتة، قلبي كان مليان ڼار وعزة نفس ومكنتش هقبل إن المشهد ده ينتهي من غير ما أشوف كسر عين الست دي وبنتها قدام الناس كلهم.
فتحنا باب العمارة الحديد الكبير وخرجنا. كان الشارع مليان ناس من أهل المنطقة والجيران واقفين في البلكونات وعلى النواصي بيتفرجوا، وأبو البنت واقف في النص بجسمه الضخم، ولابس جلابية بلدي، وحواليه سبعة تمانية من أهله وشباب عيلته ماسكين شوم، والبت واقفة وراه لافة دراعها بشاش أبيض مبالغ فيه وعمالة تمثل العياط وتستعطف الناس، وأمها واقفة جنبها بتولول وټضرب على صدرها شوفوا يا أهالي المنطقة يا ولاد الأصول!
