بعد الخلفة اماني السيد ٢
جوزي رد عليها بصراخ وحقد: “أنتِ اللي خربتي بيتي من الأول وجاي تكملي عليا! أنتِ السبب في كل اللي جرى لي!”
بدأوا يصرخوا في بعض ويكشفوا بلاوي جديدة قدام وكيل النيابة، اللي أمر بحبسهم احتياطياً على ذمة القضية الجديدة وتحديد جلسة محاكمة عاجلة بتهم الملاحقة والتتبع وإتلاف الممتلكات والالتفاف على قرارات القضاء.
خرجت من مبنى النيابة وأنا حاسة بقمة الثبات والهدوء. الشياطين اللي كانوا فاكرين إنهم يقدروا يكسروني أو يخوفوني بأساليبهم الرخيصة، بقوا بياكلوا في بعض وبيسحبوا بعض للمستنقع اللي صنعوه بأيديهم.
ورغم إن حبسهم المرة دي هيحسم قضايا كتير، إلا إن التحقيقات الجديدة كشفت عن سر كبير ومفاجأة غير متوقعة كانوا مجهزينها، مفاجأة بتمس أصول الشقة والدهب القديم، وده اللي هيجعل الجلسة القادمة هي ضربة القاضية الفاصلة بين الحق والباطل.
السجن والتنقل بين أقسام الشرطة ما كانوش كفاية عشان يطهروا النفوس المريضة دي من الغل، بل بالعكس، الحقد كان بيكبر جواهم زي السرطان. لما اتعرضوا على النيابة المرة الأخيرة في قضية التتبع ورش المواد المشبوهة، التحقيقات والتفتيش اللي تم في المكان اللي كانوا مأجرينه كشف عن مفاجأة غير متوقعة بالمرة، مفاجأة كانت كفيلة إنها تمحي أي أمل ليهم في الخروج للنور مرة تانية.
رجال المباحث أثناء تفتيش الشقة الاستوديو المأجورة اللي كانوا قاعدين فيها، عثروا على أوراق ومستندات مزورة بالكامل. اتضج إنهم ما اكتفوش بمحاولات الترهيب وتخريب الشغل، بل كانوا شغاليين من ورا الستار في مخطط أكبر بكثير؛ كانوا بيجهزوا أوراق بيع مزورة للشقة بتاعتي بتاريخ قديم سابق لتاريخ التمكين وطرد سماح، ومطبوع عليها أختام مزيفة لمنسوبين لجهات حكومية، بالإضافة لمحررات تنازل مزورة باسمي عن كافة مستحقاتي والدهب، وكانوا متفقين مع محامي من ضعاف النفوس عشان يرفع قضايا إعادة ملكية وتثبيت ملكية بعقود مسجلة زوراً، بهدف سحب الشقة مني وإشعال القضايا في المحاكم من جديد أول ما يتزنقوا.
المفاجأة الأكبر كانت وجود نسخ من مفاتيح مسكن الزوجية ومفاتيح محلي التجاري، كانوا نسخوها في السر عن طريق واحد من العمال المستجدين اللي سماح قدرت تستدرجه وتديه فلوس عشان يبصم المفاتيح على صلصال! المخطط كان بيقتضي إنهم بعد ما يعملوا الشوشرة والشعوذة ويتعبوا نفسيتي، يدخلوا المحل في يوم بالليل، ويسرقوا كل البضائع والسيولة المالية الموجودة في الخزنة، ويحرقوا المكان بالكامل عشان يتصفى شغلي وأفلس تماماً.
