العقدة فى المنـ.ـشار
طالبة منى مليون جنية مهر
انا شاب عندى 39 سنة كافحت فى حياتى وقدرت اعمل مشروعى الخاص وشغال معيا 10 اشخاص مرتباتهم من 10 ل 15 فى الشهر
ومن تلات سنين اتعرفت على واحدة اكبر منى فى السن عندها 48 سنة صعبت عليا وحبيتها وقررت اساعدها واتجوزها فاكتشتف انها متزوجة وجوزها سيبها من 7 سنين ومبيصرفش عليها ومش عاوز يطلقها فقولت اصبر معاها لحد ما تطلق وفى الاخر قولتلها بدام انتى كدا كدا هتطلقى خدى فلوس واخلعى وعلى مدار 3 سنين اى حاجة احتجتها كنت بجيبها ليها زراعة اسنان كشف عند الدكتور علاج لبس اكل
رغم انها عصبية وردود افعالها جافة بس كنت بعزرها من اللى شافتة من جوزها وانا راجل وقوى قولت بلاش تكسرها
وهى شغالة معايا وعاملها مرتب 12 الف فى الشهر وللامانة هى وقفت جنبى وكانت بتدعمنى نفسيا ويعتبر هى السبب انى قدرت اكمل لان بصراحة كنت صابر عشانها انا لان هى كانت محتاجة فلوس وانا كنت لم اواجة ازمة كنت بقول اقفل بس كنت بقول هى خلاص بقت معتمدة على القبض فكنت بستحمل
والامور تمام لحد ما جت يوم وقالتلى جوزى عاوز يرجع
وكانها جابت سكينة ورشقتها فى قلبى
وانا مقدرش اقولها لا لان فى البداية عرفت انها رافعة قضية من زمان
زعلت بس سيبتها وقولت خير
وبعيدن قالتلى انا عمرى ما هرجع لية
زهقتنى وكفرتنى فى عيشتى
طيب نتجوز بقى قالتلى هات مهر مليون جنية قولتلها انا مش معايا مليون جنية قولتلها خدى 100 الف وانا مليش بركة الا انتى
لم نكبر هعطيكى عينا رفضت وبعدين قالتلى هات 500 وفى الاخر شبكة ب 750 الف عشان تتجوزنى
ولا بصت على تضحيتى انى متجوزتش قب كدا واقدر اتجوز اى حد ولا بصت على تضحيتى انى مش هيبقى عندى ولاد
المهم قولتلها يابنتى انتى بكلامك دة بتقوليلى مش عاوزاك وانا اه حبيتك بس انا مش عيل صغير
وانا فى لحظة ادوس على قلبى وممكن اورح اتجوز قالتلى مع الف سلامة
يابنت الناس والله هروح اتجوز
ومر اسبوع يابنت الحلال ربنا يهديكى مفيش فايدة
قومت مكلم واحدة تانية وروحت اتقدمت واتفاجئت ان البنت طيبة ومطيعة وجميلة وصغيرة وهتخلف
فروحت قولتلها يا بنت الناس انا لقيت بنت كويسة وهروح اتقدملها ولو دخلت مش هعرف اسيبها انا راجل بلتزم بكلمتى قالتلى روح
فروحت واتقدمت وكله تمام فرجعت تعيط ومنهارة وانى خدعتها قولتلها انتى اللى حطيتى العقدة فى المنشار
والعجيب انى لم قولتلها انتى عاوزة اية اكتر من انك تعيشى عيشة كويسة واكل كويس وتكيف وعربية الخ قالتلى انا مش قطة هتجيبلى اكل وشرب انا عاوزة امن مستقبلى
دلوقتى انا قدامى اختيارين
انى اسيبها شغالة معايا بس للاسف هى عاملة مشاكل فى الشغل وتعبانى وانا زهقت منها
فقدامى استحملها عشان مقطعش عيشها واتجوز انا او امشيها وللاسف هى لو عرفت انى هتجوز ممكن تبوظ الجوازة
