تامر مبلط السيراميك

اللى فى الصورة ده أسمه تامر، مبلط سيراميك – ٤٣ سنة .. أتحكم عليه بالإع*دااااام، والحكم أصبح نهائى بعد رفض الط*عن.

إيه حكايته ؟
تامر سافر قطر 🇶🇦 عام 2022 بحجة أنه يحضر كأس العالم بس الحقيقة أنه سافر يدور على شغل..لف كتير ومفيش شغل،
وصل به الحال انه ينام فى الشارع، لا معاه فلوس ولا قادر يجيب أكل ووصل لمرحلة التشرد والتسول.

على وجمعة أخين من مصر وبيشتغلوا فى قطر، وبيعيشوا في شقة مع صاحبهم عبدالسلام.. شافوا تامر بالصدفة وعرفوا انه مصرى.. خدوه بيتهم واول شئ اشتروا له ملابس وجابوا له اكل ولأول مرة منذ اسابيع تامر ينام على سرير ويأكل ويشرب.. قالوا له بإذن الله ندور لك على شغل.

فضلوا يبحثوا لتامر على شغل.. كل ما يجيبوا له شغل مع مقاول يشتغل يومين ويجي يشتكي ده راجل وحش طول اليوم مطفحنى الد.م.

يا ابنى اصبر هو الشغل كده
لا شوفولى حاجة تانية

يفضل قاعد فى البيت على السرير فى التكييف يأكل ويشرب وياخد منهم مصاريفه.

جابوا له شغله تانية وتالته وبرضوا مفيش فايدة
فى الاخر تامر فكر هو هيعمل ايه..

فى منتصف شهر رمضان ٢٠٢٣ .. تامر قالهم انا عاوز أرجع مصر، بعد ما فشلت كل محالاوت توظيفة.

راحوا حجزوا له الطيارة على حسابهم وجابوا له هدايا لأهله عشان مايرجعش مكسور الخاطر وحضروا له ظرف فيه فلوس.

عرف ميعاد السفر وبدأ يحضر الخطة
اشترى من*وم وحطه في العصير لــــ على وجمعة
وعبد السلام كان بره الشقة ساعتها.. شربوا العصير وابتداو يشعروا بالنعاس دخلوا يناموا ابتدا تامر ياخد فلوسهم والموبيلات واللاب توب والساعات وكل شي يخصهم.
الأخين فاقوا والمن*وم ماكنش مأثر فيهم، قاموا يشوفوا ايه اللى بيحصل، تامر كان محضر السكــــ.ـين وللأسف نحرهم بكل قسوة وبدأ يحضر الشنطة.. فى الوقت ده رجع عبد السلام من بره، تامر حس به وأستخبى، وقبل ما يشوف صحابه، كان تامر ط*عنه من الخلف عشان يحصل أصحابه.

تامر فتش جيوب عبد السلام وخد الموبايل بتاعه ولم كل شيء حتى ساعته خدها وطلع على المطار.

قفل الباب وجرى يلحق الطيارة..السلطات القطرية اكتشفت الج*ريمة وراجعوا الكاميرات وعرفوا مين الجانى وبلغوا السلطات في مصر وتم القبض عليه في المطار.

النيابة العامة فى مرافعتها قالت:
«خان العيش والملح وبلا اعتبارات لقدسية شهر رمضان الكريم، أتى بفعل تقشعر له الأبدان، قام بط*عن المجنى عليهم طع/نات قات*لة»