مايكل جاكسون
هو مايكل جاكسون اتقال عنه إيه في التسريبات بتاع ابـ. ستين؟!
سيبك من التسريبات لأ.. مايكل معمول عنه وثائقي بالكامل بيتكلم عن الاتهـ. هامات إللي كانت بتتوجهله بالكامل، وفيها تسجيلات صوتية بلسانه بيتكلم فيها لأول مره عن موضوع الاطـ.. فال!
خليني بس الأول أعرفك إنه النجم الشهير حبيب الملايين، مشهور في بلده نفسها بإنه بيـ..دو وبيحب الاطـ. فال بشكل مش بريئ، ويمكن دي حاجه مش منتشرة خارج الثقافة الامريكية، لكن هي من كتر انتشارها هناك هتلاقي الأفلام الكوميدية بتتندر بيها ومتاخده كنوع من السخـ.. رية، زي عندنا أحمد عز كده بنقعد نتكلم على نقطة اقسم بالله ما ولادي وإحنا عارفين انهم ولاده، بس المحبين ليه بره شايفينه ممثل جامد وشهير وتلاقيهم مش مصدقين الكلام بتاعنا، لكنه بالنسبالنا حقيقة.
في سنة 2005، اترفع قضية من والدة احد الاطفـ. ال المصابين بالسـ. رطان، بيقول إنه بعد احتفال مايكل جاكسون بجايزته، اخده على مزرعته في 2003 وهناك قدمله مشروبات كحـ. وليه واعتـ.. دى عليه وكان عايز يحتفظ بيه غصب عنه في المزرعة عشان زي مانتو عارفين.. كان ساعتها الطفـ. ل دا عنده 13 سنة، وبعدها رفعت عليه قضية قعدت 14 اسبوع في النهاية طلعوه منها براءه بالرغم من انه الطب الشرعي والشهود كانوا في صف الطفـ.. ل!
بعدها بسنتين وقبل وفاة مايكل علطول، ظهر شخصين اخرين وقالوا نفس الكلام بالظبط لدرجة انه اوبرا وينفري طلعت اتكلمت عنهم وما ادراك ما شهرة اوبرا ومصداقيتها عند الناس هناك لانه كمان هي اتعرضت لنفس الكلام في صغرها، وضاعت القضية ومحدش اتكلم فيها!
بعد وفاة مايكل في منزله بجرعة زيادة، اتقال إنه طبيبة اللي ادهاله عن عمد وخد فيها سنتين بس، كانوا لقوا في منزله صور كتير جداً جداً جداً لاطفـ.. ال، وألعاب ماينفعش تبقى لشخص بالغ، وهنا مش بكلمك حاجات تخض ابناءه المتبنين لأ، لأطـ.. فال آخرين.. دول كمان لقوا كُتب مليانة برسومات وصور لأطفـ.. ال عر.. يا.. نين تمامًا، بالإضافة لكمية كبيرة من المخد. رات، نفس النوع اللي قال الطفل قبلها بكام سنة إنه مايكل استخدمه عليه في مزرعته! غير ملابس أطفـ.. ال جنـ.. سية في غرفة ملابسه الخاصة.
بعد وفاة مايكل، بقى يطلع كل سنتين تلاتة شاب يعترف إنه مايكل تعد. ى عليه فعليًا وهو صغير، بس خاف يحكي او أهله لأسباب كتير ولعلمهم إنه القضية هتروح في الهوا زي اللي حصل مع اللي قبلهم! فكان بيتعمل وثائقيات يطلعوا يحكوا فيها، وبالفعل طلع اتنين قالوا إنه وقتها 10 و13 سنة تقريبًا ومايكل عمل معاهم نفس الموضوع في مزرعته في نيفرلاند، وللمره التانية اوبرا تستضيفهم وهي بتختم لقائها قالت إنه انتم هتواجهوا مشاكل كبيرة عاللي بتقولوه دا، وانا كمان معاكم، ووضحت أنه عندها خبايا كتير تخصه، لكن مش هتقدر تقولها!
ومن وقتها للنهاردة، عشرات الابلاغات اللي كل شوية تظهر بخصوص سلوك مايكل دا، وللأسف عيلته موقفه مجموعة محاميين كبار، مستغليين شهرته وحبه عند مستمعينه، بيهاجـ. موا اي حد يجيب سيرته، حتى لو قناة بنفسها وبياخدوا تعويضات جامدة جدا بالتشـ. هير!
بس تزامنًا مع تسريبات ابسـ.. تين، طالع اليومين دول وثائقي جديد فيه تسجيلات ماشافتش النور قبل.. تسجيلات حقيقية لمايكل وهو بيتكلم بصوت طفولي مرعب كده، وبيقول إنه الأطـ. فال طول الوقت معجبه بيه وبشخصيته وبطريقة تعامله معاهم، لدرجة بينزعوا درعهم الخارجي وجدار حمايتهم وهما معايا.. بيحبوني ألمـ.. سهم واحضنهم وأنا بحب دا جدًا! بيقولك هما اللي بيحبوه يعملهم كده، مش هو اللي بيحب!
وبعدين بيكمل يقولك أنا لو اتقالي اني مقدرش في حياتي ألمـ. س ولا أشوف ولا اقابل طـ.. فل تاني في حياتي، أنا ممكن امـ..وت فيها، من شدة حبه وتعلُقه بيهم!
طبعًا الحبوببين بتوعه إللي بيتعاملوا معاه ، بيطلعوله مبرر لكل حاجة ويقولك اصل طفولته كانت صعبة، وكان بيحب أوي يعوضها تاني مع الاطفـ.. ال، ودا من الأسباب اللي خلته حتى يتبنى! (مع انه كان مشهور إنه بيعمل نفس الكلام معاهم)، وحاليًا مابيسمحوش لحد حصله حاجه إنه ياخد حقه او حتى يسمع صوته للناس، عشان بتلاقي المها. جمة عليه ومحاولة اسكاته هي أول حاجة بتصدر منه، وأعتقد انه الوثائقي دا بردو هيختفي تاني قريب!
هل دا يربطه بابسـ.. تين والجزيرة!؟
الحقيقة إنه مايكل ليه أكتر من 3 صور وهو مع شخصيات كبيرة متور. طة بشكل مباشر في حوار ابسـ.. تين وهما على طيارته الخاصة اللي بيقدم فيها خدمات، غير صوره معاه في منزله الخاص في فلوريدا، واخر في المزرعة اللي بيتقال كان بيعمل فيها كده! وبصراحة دخلت على موقع التسريبات لاقيت ذكر كتير اوي اوي ليه، فكسلت اقرأ كل دا :”|
تفتكروا كان بيعمل كده مع نفسه، ولا ابسـ.. تين كان بيسهله دا؟!
#MTM_Spread_Science
