بهاء ابو شقة

قا.تل رغم أنفه (القصة الكاملة)
المحامى بهاء ابو شقة قاعد في مكتبه دخل عليه راجل صعيدي وقاله

– يا بيه انا واقع في عرضك ابن أخويا محب.وس على ذمة قضية .. وعاوزك تدافع عنه..

= طيب اهدى يا حج متهم فى .. مين؟
– بنتى يا سعادة البيه
= .. بنتك وعاوز محامى يدافع عنه؟
– ايوة يا بيه لانه مظلوم
= طيب ايه الحكاية؟

خلينا نسمع الحكاية من الاول
الحج وهدان من سوهاج وزى كتير من أهلنا في الصعيد نزح للقاهرة هو وأخوه وعملوا فرش فاكهة كبير وربنا فتح عليهم واتجوزوا وخلفوا.. وهدان خلف بنت اسمها شوق وأخوه تمأم خلف ولدين عوض وربيع وما.ت تمأم ربيع راح اتجوز بنت خاله من الصعيد.. العرف هناك لازم تتجوز من العيلة وربيع الكبير فضل من غير جواز.. صحته تعبانه ومش قد الجواز.. وهدان لما بنته كبرت قال لازم تتجوز ابن عمها عوض.. البنت رفضت وقالت

– يا أبا حرام عليك ده اكبر منى بعشرين سنة..
= عاوزة تتجوزي من حد غير ولد عمك؟ عاوزة الناس تاكل وشى ولا ايه؟؟

عوض برضوا مكنش عاوز يتجوز قال لاخوه

– انا مريض واللى هتجوزها هاظل.مها معايا.. ربيع كان شديد صحة وقوة وشخصية قوية.. صمم ان اخوه يتجوز شوق وفى خلال شهور كانت شوق معاهم في البيت.. مرت شهور وشوق لازالت بكر والزوج محتاج علاج وادوية وحد يقعد جنبه.. البنت كانت تقعد جنبه طول الليل وعند الفجر وهى بتصلى تقول

– منك لله يا أبا ظل.متنى حرام عليك..
ابتدا ربيع يتقرب لها عارف ان اخوه تعبان يدخل الشقة بيزور اخوه وهو طالع يبص لشوق..
= مش حرام الجمال ده كله يعيش العيشة دى
البنت مؤدبه متردش عليه
والموضوع اتكرر كل يوم يجى البيت يزور اخوه وفى كل مرة يعاكس مرات اخوه
البنت هتعمل ايه؟ اى واحدة غيرها هتقول اعمل اللى انا عاوزاه مش ابويا اللى عاوز كده بس شوق من بيت شريف عفيف متعرفش يعنى ايه غلط.. فى يوم وهى فى السوق لقت ربيع وراها.. قالها

– عاوزك فى كلمتين..
= خير يا ربيع؟
– من الاخر انتى فرسة وعاوزة خيال
= وانت بقا الخيال؟
– انا بفضل الله أسد مش خيال وبس هتكونى معايا هتشوفى النعيم
= بذمتك مش عيب عليك.. انت صعيدي انت؟ فين النخوة والرجولة؟ بتستغل مرض اخوك وتعاكس مراته بدال ما تكون لها ستر وغطا.. اتقى ربنا انت متجوز وعندك عيال وانا لو جوزى بعافيته كنت قولت له بس هو لا حول له ولا قوة..

– عوض اخويا وانا أولى واحد بمراته وانتى الصراحة عجبانى ولو مسمعتيش كلامى انا هرملك بدرى.. سلام يا فرسة

شوق تعمل ايه؟ مش كفاية عليها زوجها التعبان كمان اخوه اللى بيطاردها فى كل حتة.. تقول لجوزها وتولع الدنيا؟ ولا تقول لابوها.. بس ابوها مش هيصدقها انسان منغلق على العادات والتقاليد العميه .. شوق قالت اصبر وربنا يقدرنى عليه.. فى يوم ربيع قاعد مع اخوه..

– شد حيلك يا عوض
= الشدة على الله انا حاسس انى ظل.مت شوق معايا والله ما قصرت معايا يوم مستحملة فقرى ومرضى وعمرى ما شوفت منها غير كل خير..
– تستحمل غصب عنها مش بنت عمك لو معملتش غير كده تاخد بالجزمة القديمة ده انا ادبحهالك على باب البيت لو اسمع منها كلمة لا
=اهدى يا ربيع وسيب شوق فى اللى هى فيه
– امال هى فين يعنى مش باينه.
=هتلاقيها بتصلى قيام الليل

ربيع كان ناوى الشر كان محضر عصير فيه منوم واداه لاخوه اول ما قعد ولما حس ان اخوه مش قادر يفتح عنيه قام يدور على شوق.. وعينه كلها شر دخل الاوضة التانية لقاها بتصلى.. وهى ساجدة شدها وحاول يب.وسها.. البنت قاومت بكل ما أوتيت من قوة ولكن ربيع قوى جدا ومش قادره تقاوم تعمل ايه؟ طلبت العون من ربنا وقالت يارب وبكل قوة صفعته بالقلم.. فى اللحظة دى تحول ربيع لشيطان فى صورة انسان عينه بقت كلها شر ولسه هيمزق ملابسها كانت سحبت لمبة الجاز من جنبها وخبطته فى وشه وقامت تجرى على الشارع.. ربيع زى المجنون قام يجرى وراها ..

مر يوم ويومين واسبوع وشوق مظهرتش وربيع مولع الدنيا..

– شوف مراتك الفاجرة راحت فين؟ اكيد هربت مع راجل غريب وزمانها دلوقتي ممرمغة راسنا فى الطين..
وعوض لا حول له ولا قوة..
=انت شوفت عليها حاجة؟
-شوفت حاجات بس انا مش عاوز اتكلم
=اتكلم يا ربيع شوفت ايه؟
-الصراحة شوفتها مرة فى السوق واقفة مع شاب غريب رحت مسكت الواد مو.ته ضر.ب وضر.بت مرتك وطت على جزمتى تب.وسها عشان مقولكش حاجة..
عوض وشه يحمر من الزعل
=ا..ها يا ربيع ونضف شرف اخوك..
– ده اللي هيحصل ه..ها وابرد نا.رك